ॐ

Sri Srinivasa Gadyam

శ్రీ శ్రీనివాస గద్యం · श्री श्रीनिवास गद्यम्

śrīmadakhilamahīmaṇḍalamaṇḍanadharaṇīdhara maṇḍalākhaṇḍalasya,

vānikhilasurāsuravandita varāhakṣētra vibhūṣaṇasya,

śēṣāchala garuḍāchala siṃhāchala vṛṣabhāchala nārāyaṇāchalāñjanāchalādi śikharimālākulasya,

nāthamukha bōdhanidhivīthiguṇasābharaṇa sattvanidhi tattvanidhi bhaktiguṇapūrṇa śrīśailapūrṇa

guṇavaśaṃvada paramapuruṣakṛpāpūra vibhramadatuṅgaśṛṅga galadgaganagaṅgāsamāliṅgitasya,

sīmātiga guṇa rāmānujamuni nāmāṅkita bahu bhūmāśraya suradhāmālaya vanarāmāyata vanasīmāparivṛta viśaṅkaṭataṭa

nirantara vijṛmbhita bhaktirasa nirgharānantāryāhārya prasravaṇadhārāpūra vibhramada salilabharabharita mahātaṭāka maṇḍitasya,

kalikardama malamardana kalitōdyama vilasadyama niyamādima munigaṇaniṣēvyamāṇa

pratyakṣībhavannijasalila samajjana namajjana nikhilapāpanāśanā pāpanāśana tīrthādhyāsitasya,

murārisēvaka jarādipīḍita nirārtijīvana nirāśa bhūsura varātisundara surāṅganārati karāṅgasauṣṭhava

kumāratākṛti kumāratāraka samāpanōdaya danūnapātaka mahāpadāmaya vihāpanōdita sakalabhuvana vidita kumāradhārābhidhāna tīrthādhiṣṭhitasya,

dharaṇitala gatasakala hatakalila śubhasalila gatabahuḻa vividhamala hatichatura

ruchiratara vilōkanamātra vidaḻita vividha mahāpātaka svāmipuṣkariṇī samētasya,

bahusaṅkaṭa narakāvaṭa patadutkaṭa kalikaṅkaṭa kaluṣōdbhaṭa janapātaka vinipātaka

ruchināṭaka karahāṭaka kalaśāhṛta kamalārata śubhamañjana jalasajjana

bharabharita nijadurita hatinirata janasatata nirastanirargaḻa pēpīyamāna salila sambhṛta viśaṅkaṭa kaṭāhatīrtha vibhūṣitasya,

ēvamādima bhūrimañjima sarvapātaka garvahāpaka sindhuḍambara hāriśambara vividhavipula puṇyatīrthanivaha nivāsasya,

śrīmatō vēṅkaṭāchalasya śikharaśēkharamahākalpaśākhī,

kharvībhavadati garvīkṛta gurumērvīśagiri mukhōrvīdhara kuladarvīkara dayitōrvīdhara śikharōrvī

satata sadūrvīkṛti charaṇaghana garvacharvaṇanipuṇa tanukiraṇamasṛṇita giriśikhara śēkharatarunikara timiraḥ,

vāṇīpatiśarvāṇī dayitēndrāṇiśvara mukha nāṇīyōrasavēṇī

nibhaśubhavāṇī nutamahimāṇī ya stana kōṇī bhavadakhila bhuvanabhavanōdaraḥ,

vaimānikaguru bhūmādhika guṇa rāmānuja kṛtadhāmākara karadhāmāri daralalāmāchChakanaka

dāmāyita nijarāmālaya navakisalayamaya tōraṇamālāyita vanamālādharaḥ,

kālāmbuda mālānibha nīlālaka jālāvṛta bālābja salīlāmala phālāṅkasamūlāmṛta

dhārādvayāvadhīraṇa dhīralalitatara viśadatara ghana ghanasāra mayōrdhvapuṇḍra rēkhādvayaruchiraḥ,

suvikasvara daḻabhāsvara kamalōdara gatamēdura navakēsara tatibhāsura

paripiñjara kanakāmbara kalitādara lalitōdara tadālamba jambharipu maṇistambha

gambhīrimadambhastambha samujjṛmbhamāṇa pīvarōruyugaḻa tadālamba pṛthula

kadalī mukula madaharaṇajaṅghāla jaṅghāyugaḻaḥ,

navyadala bhavyamala pītamala śōṇimalasanmṛdula satkisalayāśrujalakāri bala śōṇatala

padakamala nijāśraya balabandīkṛta śaradindumaṇḍalī

vibhramadādabhra śubhra punarbhavādhiṣṭhitāṅguḻīgāḍha nipīḍita padmāvanaḥ,

jānutalāvadhi lamba viḍambita vāraṇa śuṇḍādaṇḍa vijṛmbhita nīlamaṇimaya kalpakaśākhā

vibhramadāyi mṛṇāḻalatāyita samujjvalatara kanakavalaya vēllitaikatara bāhudaṇḍayugaḻaḥ,

yugapadudita kōṭi kharakara himakara maṇḍala jājvalyamāna sudarśana pāñchajanya

samuttuṅgita śṛṅgāpara bāhuyugaḻaḥ,

abhinavaśāṇa samuttējita mahāmahā nīlakhaṇḍa madakhaṇḍana nipuṇa

navīna paritapta kārtasvara kavachita mahanīya pṛthula sālagrāma paramparā gumbhita

nābhimaṇḍala paryanta lambamāna prālambadīpti samālambita viśāla vakṣaḥsthalaḥ,

gaṅgājhara tuṅgākṛti bhaṅgāvaḻi bhaṅgāvaha saudhāvaḻi bādhāvaha dhārā

nibha hārāvaḻi dūrāhata gēhāntara mōhāvaha mahima masṛṇita mahātimiraḥ,

piṅgākṛti bhṛṅgāra nibhāṅgāra daḻāṅgāmala niṣkāsita duṣkāryagha

niṣkāvaḻi dīpaprabha nīpachChavi tāpaprada kanakamālikā piśaṅgita sarvāṅgaḥ,

navadaḻita daḻavalita mṛdulalita kamalatati madavihati chaturatara

pṛthulatara sarasatara kanakasaramaya ruchirakaṇṭhikā kamanīyakaṇṭhaḥ,

vātāśanādhipati śayana kamana paricharaṇa ratisamētākhila phaṇadhara

tati matikaravara kanakamaya nāgābharaṇa parivītākhilāṅgā vagamita śayana bhūtāhirāja jātātiśayaḥ,

ravikōṭī paripāṭī dharakōṭī ravarāṭī kitavīṭī rasadhāṭī

dharamaṇigaṇakiraṇa visaraṇa satatavidhuta timiramōha gārbhagēhaḥ,

aparimita vividhabhuvana bharitākhaṇḍa brahmāṇḍamaṇḍala pichaṇḍilaḥ,

āryadhuryānantārya pavitra khanitrapāta pātrīkṛta

nijachubuka gatavraṇakiṇa vibhūṣaṇa vahanasūchita śritajana vatsalatātiśayaḥ,

maḍḍuḍiṇḍima ḍhamaru jarghara kāhaḻī paṭahāvaḻī mṛdumaddalādi mṛdaṅga dundubhi

ḍhakkikāmukha hṛdya vādyaka madhuramaṅgaḻa nādamēdura

nāṭārabhi bhūpāḻa bilahari māyāmāḻava gauḻa asāvērī sāvērī śuddhasāvērī dēvagāndhārī

dhanyāsī bēgaḍa hindustānī kāpī tōḍi nāṭakuruñjī śrīrāga

sahana aṭhāṇa sāraṅgī darbāru pantuvarāḻī varāḻī kaḻyāṇī bhūrikaḻyāṇī yamunākaḻyāṇī

huśēnī jañjhōṭhī kaumārī kannaḍa kharaharapriyā

kalahaṃsa nādanāmakriyā mukhārī tōḍī punnāgavarāḻī kāmbhōjī bhairavī

yadukulakāmbhōjī ānandabhairavī śaṅkarābharaṇa mōhana rēguptī saurāṣṭrī nīlāmbarī guṇakriyā

mēghagarjanī haṃsadhvani śōkavarāḻī madhyamāvatī jēñjuruṭī suraṭī dvijāvantī malayāmbarī

kāpīparaśu dhanāsirī dēśikatōḍī āhirī vasantagauḻī santu kēdāragauḻa

kanakāṅgī ratnāṅgī gānamūrtī vanaspatī vāchaspatī dānavatī mānarūpī sēnāpatī

hanumattōḍī dhēnukā nāṭakapriyā kōkilapriyā rūpavatī gāyakapriyā

vakuḻābharaṇa chakravāka sūryakānta hāṭakāmbarī

jhaṅkāradhvanī naṭabhairavī kīravāṇī harikāmbhōdī dhīraśaṅkarābharaṇa nāgānandinī yāgapriyādi

visṛmara sarasa gānaruchira santata santanyamāna nityōtsava pakṣōtsava māsōtsava

saṃvatsarōtsavādi vividhōtsava kṛtānandaḥ śrīmadānandanilaya vimānavāsaḥ,

satata padmālayā padapadmarēṇu sañchitavakṣastala paṭavāsaḥ,

śrīśrīnivāsaḥ suprasannō vijayatāṃ.

śrīalarmēlmaṅgā nāyikāsamētaḥ śrīśrīnivāsa svāmī suprītaḥ suprasannō varadō bhūtvā, pavana pāṭalī pālāśa bilva punnāga chūta kadaḻī chandana champaka mañjuḻa mandāra hiñjulādi tilaka mātuluṅga nārikēḻa krauñchāśōka mādhūkāmalaka hinduka nāgakētaka pūrṇakunda pūrṇagandha rasa kanda vana vañjuḻa kharjūra sāla kōvidāra hintāla panasa vikaṭa vaikasavaruṇa tarughamaraṇa vichuḻaṅkāśvattha yakṣa vasudha varmādha mantriṇī tintriṇī bōdha nyagrōdha ghaṭavaṭala jambūmatallī vīratachullī vasati vāsatī jīvanī pōṣaṇī pramukha nikhila sandōha tamāla mālā mahita virājamāna chaṣaka mayūra haṃsa bhāradvāja kōkila chakravāka kapōta garuḍa nārāyaṇa nānāvidha pakṣijāti samūha brahma kṣatriya vaiśya śūdra nānājātyudbhava dēvatā nirmāṇa māṇikya vajra vaiḍhūrya gōmēdhika puṣyarāga padmarāgēndra nīla pravāḻamauktika sphaṭika hēma ratnakhachita dhagaddhagāyamāna ratha gaja turaga padāti sēnā samūha bhērī maddaḻa muravaka jhallarī śaṅkha kāhaḻa nṛtyagīta tāḻavādya kumbhavādya pañchamukhavādya ahamīmārgannaṭīvādya kiṭikuntalavādya suraṭīchauṇḍōvādya timilakavitāḻavādya takkarāgravādya ghaṇṭātāḍana brahmatāḻa samatāḻa koṭṭarītāḻa ḍhakkarītāḻa ekkāḻa dhārāvādya paṭahakāṃsyavādya bharatanāṭyālaṅkāra kinnera kimpuruṣa rudravīṇā mukhavīṇā vāyuvīṇā tumburuvīṇā gāndharvavīṇā nāradavīṇā svaramaṇḍala rāvaṇahastavīṇāstakriyālaṅkriyālaṅkṛtānēkavidhavādya vāpīkūpataṭākādi gaṅgāyamunā rēvāvaruṇā

śōṇanadīśōbhanadī suvarṇamukhī vēgavatī vētravatī kṣīranadī bāhunadī garuḍanadī kāvērī tāmraparṇī pramukhāḥ mahāpuṇyanadyaḥ sajalatīrthaiḥ sahōbhayakūlaṅgata sadāpravāha ṛgyajussāmātharvaṇa vēdaśāstrētihāsa purāṇa sakalavidyāghōṣa bhānukōṭiprakāśa chandrakōṭi samāna nityakaḻyāṇa paramparōttarōttarābhivṛddhirbhūyāditi bhavantō mahāntō'nugṛhṇantu, brahmaṇyō rājā dhārmikō'stu, dēśōyaṃ nirupadravō'stu, sarvē sādhujanāssukhinō vilasantu, samastasanmaṅgaḻāni santu, uttarōttarābhivṛddhirastu, sakalakaḻyāṇa samṛddhirastu ॥

hariḥ ōm ॥